კიევში სააპელაციო სასამართლოში მიხეილ სააკაშვილის სასამართლო პროცესი მიმდინარეობს. მოსამართლეთა კოლეგია, კიევის პეჩორის სასამართლოს გადაწყვეტილებაზე მსჯელობს, რომელმაც არ დააკმაყოფილა კიევის საქალაქო სასამართლოს გადაწყვეტილება და სააკაშვილს არ შეუფარდა შინა პატიმრობა.
სასამართლოში მან განცხადება გააკეთა და აღნიშნა, რომ პეტრო პოროშენკომ არა ერთხელ დაარღვია უკრაინის კონსტიტუცია.
რაც შეეხება პეჩორის სასამართლოს გადაწყვეტილების გასაჩივრებას, სააკაშვილი ამბობს, რომ გასაჩივრება სააპელაციო სასამართლოში ასევე უკრაინის პრეზიდენტის პირადი ბრძანების საფუძველზე მოხდა.
,,მე უკანონოდ ჩამომართვეს მოქალაქეობა, რაზეც ოდესმე პოროშენკოს პასუხისგება მოუწევს. რატომ გავხვდი მე უკრაინის მოქალაქე? 2013 წელს პოროშენკო ამბობდა - მე მაქვს რეფორმების გატარების ორი მაგალითი - საქართველო და სინგაპური. როდესაც მე მაიდანზე მათ ვეხმარებოდი, ყველა ამბობდა - როგორ გაგვიმართლა, რომ სააკაშვილი აქ არის. ეს მათთვის კარგი პიარ-სვლა იყო - „სააკაშვილი სახელმწიფო სამსახურში“. მე მსურდა, უკრაინელ ხალხს დავხმარებოდი, მათ კი კარგი პიარის გაკეთება სურდათ. როდესაც ისინი მიხვდნენ, რომ მე პიარი და ფულის კეთება კი არა, არამედ ხალხის დახმარება მსურს, მათ აქტიურად დაიწყეს ჩემი მოშორება“, - განაცხადა სააკაშვილმა.