დონალდ ტრამპი კატეგორიულად უარყოფს CNN-ის მიერ გავრცელებულ ინფორმაციას იმის შესახებ, რომ ჰაიტის და მსგავს ქვეყნებს „ბინძური ხვრელები“ უწოდა.
„არასდროს მითქვამს მსგავსი რამ ჰაიტელებზე. მხოლოდ ის ვთქვი, რომ ჰაიტი ღარიბი და მოუწყობელი ქვეყანაა. არასდროს მითქვამს, რომ ჰაიტელები თავიდან უნდა მოვიცილოთ. ჰაიტელებთან კარგი ურთიერთობა მაქვს,“-წერს ტრამპი ტვიტერის პირად გვერდზე.
მანამდე გავრცელდა ინფორმაცია იმის შესახებ, რომ სენატორებთან შეხვედრისას ტრამპმა ჰაიტი უდიერად მოიხსენია და განაცხადა, რომ მსგავსი ქვეყნებიდან მიგრანტები შეერთებულ შტატებს არ სჭირდება.
