"ბატონი პროკურორი ტყუის, როცა ამბობს, რომ ადვოკატების აცილება გაკეთდა, ეს მიხეილ სააკაშვილის მხრიდან ქართული სასამართლოს მიმართ უნდობლობაა"- ამის შესახებ "ნაციონალური მოძრაობის" წევრმა, ხატია დეკანოიძემ განაცხადა.
დეკანოიზის შეფასებით, ეს არის პოლიტიკურად ანგაჟირებული მართლმსაჯულება.
"საქართველოს მესამე პრეზიდენტს ადამიანის კონსტიტუციურ უფლებას ედავებიან. რეალურად, იმ პერიოდში 200-მდე ადამიანი იქნა შეწყალებული, მათ შორის, საომარი მოქმედებების მონაწილეები, სამართალდამცავი სტრუქტურების ყოფილი თანამშრომლები.
ვიმეორებ, ეს საქმე თავიდან ბოლომდე პოლიტიკურად ანგაჟირებულია და ბიძინა ივანიშვილის დაკვეთაა. პროკურორი, თავისთავად, სამარცხვინოა და ტყუილი თქვა, როცა განაცხადა, რომ ადვოკატების აცილება მოხდა. რეალურად, ეს არის მიხეილ სააკაშვილის უნდობლობა, ქართული სასამართლოს მიმართ", - განაცხადა ხატია დეკანოიძემ.
შეგახსენებთ, 13 დეკემბერს, საქართველოს ყოფილმა პრეზიდენტმა, მიხეილ სააკასვილმა სანდრო გირგვლიანის საქმეზე ადვოკატები აიცილა.