თარიღი    დრო

Visa-მ სენსორული ბრენდინგის ნაკრების დანერგვის შესახებ განაცხადა

საქართველო, თბილისი - 20:46 12.12.2017 902

დღეს Visa-მ (NYSE: V) სენსორული ბრენდინგის ნაკრების დანერგვის შესახებ  განაცხადა, რომელიც ხელს შეუწყობს Visa-ს ბრენდის წარმოჩენას, ინტერნეტით დაკავშირებული და გადახდების ფუნქციის მქონე მოწყობილობების სამყაროში. ეს ახალი ხმოვანი, ანიმაციური და ტაქტილური (ვიბრაციული) სიგნალები ხელს შეუწყობს ციფრულ და ფიზიკურ გარემოში, საცალო გაყიდვების დროს ტრანზაქციის დასრულების აღქმას, ვიზა ბარათით ანგარიშსწორებისას. Visa-ს ჟღერადობის დებიუტი ბრენდის მსოფლიო სარეკლამო კამპანიის ფარგლებში, ზამთრის ოლიმპიური თამაშების - „ფხიონჩხანი 2018“-ის დაწყებამდე შედგება.

„60 წლის მანძილზე ბრენდი Visa სიახლეების, სისწრაფის, ნდობისა და უსაფრთხოების მსოფლიო სიმბოლოა. კომერციაში გადახდების ინტეგრირების ზრდასთან ერთად ცნება „ყველგან, სადაც ყოფნა გსურთ (Everywhere you want to be) კიდევ უფრო მეტ მნიშვნელობას იძენს ჩვენი ბრენდისთვის. მსოფლიოში გადახდების ახალი ტექნოლოგიების ფორმირებასთან ერთად, სენსორული ბრენდინგის ელემენტების ეს ნაკრები მომხმარებლებს დაარწმუნებს, რომ ჩვენ ვიცით რა სურთ მათ ყოველ ჯერზე Visa-ს გამოყენებისას“, აღნიშნა Visa-ს მარკეტინგისა და კომუნიკაციების განყოფილების ხელმძღვანელმა ლინ ბიგარმა.

კვლევა გვიჩვენებს, რომ ბრენდი Visa საყოველთაო ნდობასთან, უსაფრთხოებასა და არსებული გადახდების ვარიანტების ცოდნასთან ასოცირდება. Visa-ს დაკვეთით განხორციელებული ბოლო სამომხმარებლო კვლევის თანახმად, ვებგვერდის მეშვეობით გამოკითხულ რესპონდენტთა 71 პროცენტი თავს უსაფრთხოდ გრძნობდა Visa-ს ლოგოს დანახვისას, რაც უზრუნველყოფს ტრანზაქციის შესრულების მაღალ ალბათობას1. პორტატული მოწყობილობებით სავსე ციფრულ სამყაროში, Visa-ს სენსორული ბრენდინგის ელემენტები შემუშავებულია შესაბამისი ემოციების გამოწვევის მიზნით, ისეთ გარემოშიც კი, სადაც Visa-ს ტრადიციული ლოგო არ ჩანს.

სენსორული ბრენდინგის მნიშვნელობა

რვა ქვეყანაში ჩატარდა ინტენსიური სამომხმარებლო კვლევა სენსორული ბრენდინგის Visa-სა და მისი პარტნიორების ქსელზე ზემოქმედების შესწავლის მიზნით. კვლევის შედეგად გამოვლინდა:

  • გამოკითხულთა 83 პროცენტი აღნიშნავს, რომ ხმოვანმა და ანიმაციურმა სიგნალებმა დადებითად იმოქმედა მათ მიერ ბრენდის აღქმაზე;
  • გამოკითხულთა 81 პროცენტი აღნიშნავს, რომ ისინი უფრო დადებითად აღიქვამენ სავაჭრო ობიექტებს, რომლებიც იყენებენ ხმოვან ან ანიმაციურ სიგნალებს;
  • ერთ წამზე ნაკლები ხანგრძლივობის მქონე ვიზას ხმოვანი სიგნალი, სისწრაფესა და მოქნილობასთან ასოცირდება;
  • რეკლამაში ტაქტილური ტექნოლოგიის გამოყენება ეფექტური აღმოჩნდა, რადგანაც მან პირდაპირი გავლენა იქონია მომხმარებლებში „ბედნიერებისა“ და „მღელვარების“ შეგრძნებაზე.

Visa-ს სენსორული ბრენდინგი ხელმისაწვდომი გახდება პროგრამული უზრუნველყოფის ნაკრების (SDK) სახით, Visa-ს დეველოპერულ პლატფორმაზე და "Visa Ready“ პროგრამის მეშვეობით ინტეგრირების მოთხოვნის შემთხვევაში, 2018 წლის დასაწყისში. ამავე წლისთვის Visa გეგმავს საპილოტე პროგრამების შემუშავებას სავაჭრო ობიექტებთან და POS ტექნიკის მომწოდებლებთან.

 

 




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%