ყირგიზეთის მეხუთე პრეზიდენტი უფლებამოსილების შესრულებას შეუდგა. სოორონბაი ჟეენბეკოვმა დღეს საზეიმო ფიცი დადო. ინაუგურაციაზე ახალმა პრეზიდენტმა წინამორბედის დამსახურებებზე ისაუბრა. ჟეენბეკოვმა განაცხადა, რომ ალმაზბეკ ატამბაევს უახლოეს ხანებში ეროვნულ გმირად გამოაცხადებს. 15 ოქტომბრის საპრეზიდენტო არჩევნებში გამარჯვების შემდეგ სოორონბაი ჟეენბეკოვი პრეზიდენტის პოსტს 6 წლის ვადით დაიკავებს.
