„აიფიემ კვლევების“ მიხედვით, საქართველოში მასწავლებელთა 49% მიიჩნევს, რომ სკოლებში მოსწავლეებისთვის სექსუალური განათლების მიღება აუცილებელია, 38%-ს კი საპირისპირო მოსაზრება გააჩნია. მასწავლებელთა 13%-ს კითხვაზე პასუხის გაცემა გაუჭირდა.
კითხვას, თუ რომელი კლასიდან უნდა ისწავლებოდეს სექსუალური განათლება, მასწავლებლები არაერთგვაროვნად პასუხობენ. 19% ცალსახად არ უჭერს მხარს მოსაზრებას ზოგადსაგანმანათლებლო დაწესებულებაში ამ საკითხის სწავლების შესახებ, 12%-ს კი კითხვაზე პასუხის გაცემა გაუჭირდა. მათგან, რომლებმაც სექსუალური განათლების სწავლების დასაწყებად კონკრეტული კლასები დაასახელეს, უმეტესობა მე-8, მე-9 და მე-10 კლასებიდან მიიჩნევს ამ საკითხის სწავლებას მიზანშეწონილად.
მასწავლებლების უმეტესობის აზრით, სქესობრივი განათლების შესახებ შესაბამის საგანს/თემას ფსიქოლოგი უნდა ასწავლიდეს (47%), პასუხების შედარებით ნაკლები რაოდენობა მოდის ექიმზე (27%) და ბიოლოგიის მასწავლებელზე (24%).
გამოკითხვა საქართველოს მასშტაბით, მე-9-მე-12 კლასების მასწავლებლებთან ჩატარდა და მასში მონაწილეობა 1216-მა პედაგოგმა მიიღო.