თბილისის ახლადარჩული მერის მოადგილეები, სავარაუდოდ, საქართველოს ენერგეტიკისა და გარემოს დაცვის მინისტრების ყოფილი მოადგილეები ირაკლი ხმალაძე და მაია ბითაძე იქნებიან.
როგორც საზოგადოებრივს კახა კალაძის ყოფილმა მოადგილემ, ირაკლი ხმალაძემ განუცხადა, ის კალაძის ნებისმიერ შეთავაზებას დათანხმდება.
"კახა კალაძეს ირგვლივ ძალიან ბევრი პროფესიონალი და კომპეტენტური ადამიანი ჰყავს. ყველა განწყობილია ისე, რომ იმუშაოს და იმ პოზიციაზე დადგეს, სადაც გუნდსა და თბილისს დასჭირდება. ყველაფერი თავის დროზე გახდება ცნობილი. კახასგან ნებისმიერ პოზიციაზე დავთანხმდები შემოთავაზებას“, - აღნიშნა ხმალაძემ.
მაია ბითაძე კი ჯერჯერობით თავს იკავებს და ამბობს, რომ ამ თემაზე კომენტარს მოგვიანებით გააკეთებს.
ცნობისთვის, მაია ბითაძე და ირაკლი ხმალაძე კახა კალაძის საარჩევნო შტაბის წევრები იყვნენ.
ხმალაძემ მოამზადა თბილისის ურბანულ და ეკონომიკურ განვითარებასთან დაკავშირებული პროგრამები, ხოლო ბითაძემ ეკოლოგიური მიმართულების პროგრამები.
