თარიღი    დრო

„კონა“ ევროკავშირში ექსპორტისთვის ემზადება

საქართველო, თბილისი - 15:55 10.20.2017 225

საქართველოს სავაჭრო-სამრეწველო პალატის DCFTA საინფორმაციო ცენტრის ბენეფიციარი კოოპერატივი „კონა“ ნიდერლანდებში საქონლის ექსპორტისთვის ემზადება. კოოპერატივს უკვე ჰყავს პარტნიორი კომპანია ჰოლანდიაში, რომელთან თანამშრომლობითაც საქონლის ექსპორტს გეგმავს.

კოოპერატივი „კონა“-ს წარმომადგენლებმა DCFTA საინფორმციო ცენტრისგან მიიღეს შეთავაზება East Invest 2-ის ტრენინგში „SME Academy“ მონაწილეობის შესახებ, რომელიც ევროკავშირში ექსპორტის პოტენციალის მქონე ქართული კომპანიებისთვის იყო განკუთვნილი და საქართველოს სავაჭრო-სამრეწველო პალატის ორგანიზებით ჩატარდა. როგორც კოოპერატივის წარმომადგენელი ნატალია ფარცხალაძე ამბობს სწორედ ამ ტრენინგზე მიღებული გამოცდილება დაეხმარა მას პარტნიორის მოძიებასა და ევროკავშირში ექსპორტის ძირითად დეტალებში გარკვევაში. კოოპერატივის წარმომადგენლები მუდმივად გადიან კონსულტაციას DCFTA საინფორმაციო ცენტრის გორის ოფისთან ევროკავშირში ექსპორტთან დაკავშირებულ საკითხებზე. „კონა“-ს ძირითადი საწარმო  შიდა ქართლის რეგიონში, კასპის რაიონის სოფელ ლავრისხევში მდებარეობს.

კოოპერატივი  „კონა“  5 წევრისგან შედგება,   ენპარდის  პროგრამის  ფარგლებში, ოქსფამისა და მისი კონსორციუმის წევრი ორგანიზაციის  ბიოლოგიურ მეურნეობათა ასოციაცია „ელკანას“ მხარდაჭერით, კოოპერატივი 2015 წელს შეიქმნა.  საწარმოში 19 სახის ბალახეული მოჰყავთ, რომელიც საბოლოოდ ბალახეული ჩაის 12  კომპოზიციად იწარმოება. საწარმოში პროდუქტი გადის ყველა ეტაპს: მოყვანას, გამოშრობას და დაფასოებას.

DCFTA - საინფორმაციო ცენტრი მუდმივად აწარმოებს საკონსულტაციო შეხვედრებს ევროკავშირში ექსპორტის პოტენციალის მქონე ქართულ კომპანიებთან. გარდა ამისა, ცენტრი აწვდის ინფორმაციას ადგილობრივ ბაზარზე ოპერირებად კომპანიებსაც იმ სტანდარტების შესახებ, რომლებიც მათ ევროკავშირთან გაფორმებული ღრმა და ყოვლისმომცველი სავაჭრო სივრცის შესახებ შეთანხმების საფუძველზე ეტაპობრივად უნდა დააკმაყოფილონ.

DCFTA საინფორმაციო ცენტრების ოფისები საქართველოს 5 ქალაქში საქართველოს სავაჭრო სამრეწველო პალატისა და ევროკავშირის პროექტის მცირე და საშუალო მეწარმეობის განვითარება და DCFTA საქართველოში“  თანამშრომლობის ფარგლებშ დაარსდა. ამ პროექტს საქართველოში გერმანიის საერთაშორისო თანამშრომლობის საზოგადოება (GIZ) ახორციელებს.

 

 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%