უკრაინის სასამართლომ პოლიციას დაავალა პრეზიდენტ პეტრო პოროშენკოს მიერ მიხეილ სააკაშვილისთვის უკრაინის მოქალაქეობის უკანონო მინიჭებისა და ჩამორთმევის ფაქტზე სისხლის სამართლის საქმე აღძრას. ამის შესახებ უკრაინის გენერალური პროკურორის ყოფილმა პირველმა მოადგილემ და მოქმედმა ადვოკატმა რენატ კუზმინმა განაცხადა.
„გუშინ პეჩერსკის სასამართლომ ჩემი საჩივარი გაითვალისწინა და დაავალა ეროვნულ პოლიციას, ჩაატაროს გამოძიება სააკაშვილისთვის უკრაინის მოქალაქეობის უკანონო მინიჭების და ჩამორთმევის ფაქტზე“, - წერს კუზმინი Facebook-ის გვერდზე.
მისი თქმით, პოროშენკოს ორივე გადაწყვეტილება, მოქალაქეობის მინიჭებისა და ჩამორთმევის შესახებ საეჭვო ვითარებაში იყო მიღებული, ხოლო რომელი მათგანი შეიცავს დანაშაულის ნიშნებს, შინაგან საქმეტა სამინისტრომ უნდა გაარკვიოს.
