საფრანგეთში საგანგებო რეჟიმს ანტიტერორისტული კანონი ჩაანაცვლებს. ხანგრძლივი დებატების შემდეგ ფრანგმა კანონმდებლებმა სადაო კანონპროექტს მხარი დაუჭირეს. დოკუმენტი პარლამენტის ზედა პალატამ მეორე მოსმენით დაამტკიცა. კანონის ამოქმედების შემდეგ საფრანგეთში პირველი ნომებრიდან საგანგებო რეჟიმი მოიხსნება. საგანგებო რეჟიმი ქვეყანაში 2015 წელს მომხდარი მასშტაბური ტერაქტების შემდეგ მოქმედებს. პარლამენტის მიერ დამტკიცებული კანონი ძალოვანი უწყებების უფლებამოსილებას ზრდის. შეიცვლება შინაპატიმრობის, ჩხრეკის , დოკუმენტების შემოწმებისა და ავიარეისებზე მგზავრების შესახებ ინფორმაციის გადამოწმების წესებიც.
