8 ოქტომბერს, 17:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის სააქტო დარბაზის ფოიეში, საქართველოს ადვოკატთა ასოციაციის თავმჯდომარეობის ერთ-ერთი კანდიდატის, ლევან ჯანაშიას, ოფიციალური წარდგენა გაიმართება. კანდიდატს წარადგენს თსუ-ის იურიდიული ფაკულტეტის ლექტორებისაგან შემდგარი საინიციატივო ჯგუფი. ლევან ჯანაშია 2005 წლიდან არის თსუ-ის იურიდიული ფაკულტეტის ლექტორი, საადვოკატო საქმიანობას კი, 2004 წლიდან ეწევა.
თავმჯდომარეობის კანდიდატი საზოგადოებას თავის გუნდის საარჩევნო პროგრამას გააცნობს.
შეგახსენებთ, რომ ამჟამად ადვოკატთა ასოციაციის თავმჯდომარე ზაზა ხატიაშვილია. ის 2013 წელს, მეორე ვადით აირჩიეს. თავმდჯომარეს 4 წლის ვადით ირჩევენ. ასოციაციის თავმჯდომარის არჩევა დეკემბრის თვეშია დაგეგმილი.
