"საკონსტიტუციო პროექტში ათეულობით ახალი ჩანაწერი გაკეთდა, რომელიც კომპრომისის შედეგად შემუშავდა", - ამის შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ განაცხადა.
როგორც ბესელია აღნიშნავს, კომისიისგან კრიტიკულ დასკვნას არ ელოდება.
"ყველა განცხადება უსამართლოა, რომ კონსტიტუციაზე ძალადობა ხდება. ისეთი დათმობები გაკეთდა, როგორიც არ მახსოვს ოდესმე ყოფილიყო საკონსტუტიციო ცვლილებებსების მომზადების დროს. რაც შეეხება ვენეციის კომისიას, ძალიან გვაინტერესებს, შეფასება როგორი იქნება, მაგრამ მოლოდინი მაქვს, რომ დასკვნა დადებითი უნდა იყოს, რადგან 23 რეკომენდაციის აბსოლუტური უმრავლესობა გაზიარებულია და რამდენიმე ტექნიკური საკითხი იყო, რომელიც მესამე მოსმენისას დაზუსტდება. კრიტიკიკულ დასკვნას არ ველოდები", - აღნიშნა ბესელიამ.