"ლეიბორისტული პარტიის" ლიდერი შალვა ნათელაშვილი მოსახლეობას კონსტიტუციის დასაცავად აქციების დაწყებისკენ მოუწოდებს. ინტერპარტიული ჯგუფის შეხვედრის დაწყებამდე მან აღნიშნა, რომ ივანიშვილმა კონსტიტუციაზე გამოაცხადა ბიზნეს ტენდერი.
,,ჩვენ ეს პროცესი უნდა ჩავკეტოთ, გამოვაცხადოთ არალეგიტიმურად და დავიწყოთ ხალხის ქუჩაში გამოყვანისათვის მასობრივი სამზადისი, ამავდროულად უნდა მოვუწოდოთ ქვეყნის პრეზიდენტს, პროტესტის ნიშნად გადადგეს და ჩაშალოს ეს ანტიკონსტიტუციური გადატრიალება", - აცხადებს ნათელაშვილი.
საკონსტიტუციო ცვლილებებთან დაკავშირებით ოპოზიციური სპექტრი სამოქმედო გეგმაზე იწყებს მუშაობას. ინტერპარტიული ჯგუფის წევრები ამ წუთებში მორიგ შეხვედრას მართავენ, სადაც სტრატეგიაზე იმსჯელებენ.