ი.ციციშვილის სახელობის ბავშვთა ახალი კლინიკის იუბილესთან დაკავშირებით ქრონიკული კრიტიკული მდგომარეობების განყოფილებას ანი ჩხაიძის სახელი მიენიჭა, რომელიც ამ განყოფილების ფსიქო-სოციალურ სამსახურს 4 წლის განმავლობაში ხელმძღვანელობდა და დიდი წვლილი შეიტანა ამ მიმართულების დანერგვასა და განვითარებაში. ანი 2016 წლის ივლისში ავტოსაგზაო შემთხვევისას დაიღუპა.
12 სექტემბერს ი.ციციშვილის სახ.ბავშვთა ახალი კლინიკის საიუბილეო საღამო გაიმართა, სადაც კლინიკის განვითარებასა და მიღწევებზე ისაუბრეს. ღონისძიებას შრომის, ჯანმრთელობისა და სოციალური დაცვის სამინისტროს ჯანმრთელობის დაცვის დეპარტამენტის უფროსი მარინა დარახველიძე დაესწრო.
ი. ციციშვილის სახელობის ბავშვთა კლინიკა მრავალპროფილური პედიატრიული კლინიკაა, რომელის 2012 წლიდან ფუნქციონირებს, კლინიკაში არსებული განყოფილებებია: რეანიმაციისა და ანესთეზიოლოგიის, ნეონატოლოგია, პედიატრია, ბავშვთა ქირურგია, გადაუდებელი მედიცინა, ამბულატორია, ასევე ფუნქციონირებს ქრონიკული კრიტიკული მდგომარეობების განყოფილება, სადაც მკურნალობენ პაციენტები თანდაყოლილი მძიმე პათოლოგიებით . მათ ესაჭიროებათ ფსიქოთერაპია, რეაბილიტაციული მკურნალობა და სხვადასხვა სპეციალისტების კონსულტაციები. ამ განყოფილებაში გახსნის დღიდან ფუნქციონირებს ფსიქო- სოციალური სამსახური, რომელიც მუშაობს "ჩაილდ ლაიფის "გაიდლაინების მიხედვით.