კატალონიის პოლიციამ ბარსელონის ტერაქტში ეჭვმიტანილი ძებნილის ვინაობა დაასახელა. სამართალდამცველები 22 წლის იუნეს აბუიაკუბს ეძებენ. მანამდე ვრცელდებოდა ინფორმაცია იმის შესახებ, რომ ფურგონის საჭესთან, რომელიც ფეხით მოსიარულეებში შეიჭრა, 17 წლის მუსა უკაბირი იჯდა, თუმცა ეს ვერსია არ დადასტურდა. მასშტაბური ტერორისტული აქტი ბარსელონის ტურისტულ რაიონში 17 აგვისტოს განხორციელდა, რასაც 15 ადამიანი ემსხვერპლა, 100-ზე მეტი კი დაშავდა.