ბათუმში, თამარის დასახლებასთან ქალს მატარებელი დაეჯახა.
"აჭარის ტელევიზიის" ინფორმაციით, დაშავებული თავის მძიმე ტრავმიტ საავადმყოფოშია გადაყვანილი.
არსებული ინფორმაციით, დაახლოებით 40 წლის ქალი ლიანდაგზე გადადიოდა, რა დროსაც სატვირთო მატარებელი დაეჯახა.
შინაგან საქმეთა სამინისტრომ გამოძიება სისხლის სამართლის კოდექსის 275-ე მუხლის პირველი ნაწილით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
