ადამიანის უფლებების საკითხებში ევროპის საბჭოს კომისარი ნილს მუჟნიეკსი აზერბაიჯანელი ჟურნალისტის, აფგან მუხთარლის გატაცების ფაქტს გამოეხმაურა.
„აღშფოთებული ვარ იმით, რაც აზერბაიჯანელ ჟურნალისტსა და აქტივისტს, აფგან მუხთარლის შეემთხვა, რომელიც საქართველოდან გაიტაცეს და აზერბაიჯანს იძულებით გადასცეს. მას აზერბაიჯანში საზღვრის უკანონო გადაკვეთასა და კონტრაბანდის გზით თანხის გადაზიდვას ედავებიან. მუხთარლი საქართველოში 2015 წლიდან ცხოვრობდა. ის აზერბაიჯანიდან რეპრესიებს გაექცა. მისი ადვოკატის თქმით, მუხთარლი ადასტურებს, რომ ფული მას ჯიბეში გამტაცებლებმა ჩაუდეს. ეს უკიდურესად სერიოზული ბრალდებებია, რაც საქართველოს ხელისუფლების მხრიდან ყურადღებასა და სწრაფ რეაგირებას ითხოვს. საქართველოს ხელისუფლებამ ეფექტიანი, სწრაფი და დამოუკიდებელი გამოძიება უნდა ჩაატაროს. ამავდროულად, აზერბაიჯანის ხელისუფლებამ დაუყოვნებლივ უნდა გაათავისუფლოს აფგან მუხთარლი და უზრუნველყოს მისი უფლებების დაცვა“,- ნისლ მუჟნიეკსი სოციალურ ქსელ „ფეისბუქში“.
