31 მარტს სასტუმრო „რედისონ ბლუ ივერიაში“ USAID -ის პროექტი „მმართველობა განვითარებისათვის (G4G) საქართველოში”, „მეწარმე ქალთა საბჭოსთან (WBCG)“ ერთად, გამართავს რიგით მე-3 წლიურ კონფერენციას სახელწოდებით „ქალის როლი ეკონომიკის ზრდასა და რეფორმების შემუშავებაში“.
კონფერენციის მიზანია ქალების როლის გაძლიერება ქვეყნის მართვაში, ბიზნესსა და სამოქალაქო საზოგადოებაში.
ფორუმში მონაწილეობას იღებენ წარმატებული ქალბატონები როგორც კერძო და საჯარო სექტორებიდან , ისე არასამთავრობო და საერთაშორისო ორგანიზაციებიდან. ისინი დამსწრე საზოგადოებას გაუზიარებენ საკუთარ გამოცდილებას - როგორ მიაღწიეს წარმატებას. მათი წარმატების მაგალითები სტიმულის და შთაგონების მიმცემი იქნება ყველა მონაწილე ქალბატონისთვის.
კონფერენციის პარალელურად გაიმართება ქართველი მეწარმე ქალბატონების პროდუქციის გამოფენა-გაყიდვა. შეხვედრას გახსნის ეკონომიკისა და მდგრადი განვითარების მინისტრის მოადგილე, ქეთევან ბოჭორიშვილი და USAID-ის ეკონომიკური განვითარების ოფისის დირექტორი, ვერონიკა ლი.
ღონისძიებაზე გამოვლინდებიან წლის ლიდერი ქალები ბიზნესში, მთავრობასა და არასამთავრობო ორგანიზაციაში.