დღეს ევროპარლამენტის მართლმსაჯულების, შინაგან საქმეთა და სამოქალაქო თავისუფლების კომიტეტი ვიზალიბერალიზაციის შეჩერების მექანიზმის რეფორმირებულ რეგულაციას უყრის კენჭს. მომხსენებელი აღნიშნულ საკითხზე აგუსტინ დიას დე მერა გარსია კონსუერგა იქნება. შეჩერების მექანიზმზე კომპრომისულ შეთანხმებას ევროკავშირის საბჭომ და ევროპარლამენტმა გვიან საღამოს მიაღწიეს. კომიტეტში შეჩერების მექანიზმის დამტკიცების შემდეგ სავარაუდოდ ცნობილი გახდება პლენარულ სესიაზე საქართველოსთვის ვიზალიბერალიზაციის მინიჭების საკითხის კენჭისყრის თარიღიც.
