არასამთავრობო ორგანიზაცია მომავლის სოფლის ორგანიზებითა და კულტურის სამინისტროს მხარდაჭერით, რუხის ციხემ მიშა მდინარაძის ბენდს "ბარაკა" და ანსამბლს „ოდოია“ უმასპინძლა.
ცივი ამინდის მიუხედავად, ღია ცის ქვეშ გამართულმა კონცერტმა მსმენელის დიდი მოწონება დაიმსახურა.
ღონისძიებას აფხაზეთიდან ჩამოსული სტუმრებიც ესწრებოდნენ. კონცერტი საქართველოს კულტურისა და ძეგლთა დაცვის სამინისტროს ხელშეწყობით, ა(ა)იპ „მომავლის სოფლის“ მიერ ინიცირებული პროექტის ,,შემოსაზღვრე საქართველო", ფარგლებში განხორციელდა. ამავე პროექტის განმავლობაში მსგავსი არაერთი ღონისძიება გაიმართა საოკუპაციო ხაზის გასწვრივ მდებარე სოფლებში (რუხი, დიცი, განმუხური და ნიქოზი).
კულტურული ხიდის აღდგენა, ეს "მომავლის სოფლის" მთავარი ამოცანაა, რასაც სხვადასხვა დონორების მეშვეობით, ორგანიზაცია ეტაპობრივად ახორციელებს.
