,,ბიძინა ივანიშვილისგან თანხების გარდა იყო მთელი სქემა, რომელიც დროულად გავშიფრეთ“ - განაცხადა მოძრაობა ”სახელმწიფო ხალხისთვის” ლიდერმა პაატა ბურჭულაძემ ”გირჩის” მიერ ბლოკის დატოვებასთან დაკავშირებით. მან კიდევ ერთხელ ხაზგასმით აღნიშნა, რომ ბლოკი ,,გირჩს“ თავად დაატოვებინა.
”მე არ ვარ ის ადამიანი, რომ ჭორაობაზე დავიწყო საუბარი და კინკლაობა. მე ვარ აბსოლუტურად დარწმუნებული, რომ ის თანხები მოდიოდა მთლიანად ბიძინა ივანიშვილისგან. მეტსაც გეტყვით, თანხების გარდა იქ იყო მთელი სქემა და თამაში, თუ როგორ შეიძლებოდა ჩვენს გარშემო ჩატარებულიყო ყველაფერი, რომელიც დროულად გაიშიფრა. ძალიან დროული იყო ჩემი გადაწყვეტილება”, - განაცხადა ბურჭულაძემ და დასძინა, რომ მიღებული გადაწყვეტილება არ შეიცვლება.
რაც შეეხება ახალ პოლიტიკურ ცენტრს, ,,გირჩში“ აცხადებენ, რომ 2016 წლის საპარლამენტო არჩევნებში მონაწილეობას არ მიიღებენ, თუმცა პოლიტიკურ საქმიანობას პარტია აქტიურად გააგრძელებს.
