საქართველოს პრეზიდენტის განცხადებით, სამხედრო-სავალდებულო სამსახურში გაწვევა გაუქმებული არ არის. გიორგი მარგველაშვილის განმარტებით, არის პოზიცია, რომ არ მოხდეს კვოტის ათვისება თავდაცვის სამინსიტროს მხრიდან, ეს არის ზუსტი განსაზღვრება იმისა რა გადაწყვეტილებაც იქნა მიღებული.
“აღვნიშნავ იმას, რომ არ არის გაუქმებული არანაირი სამსახური. არის პოზიცია, რომ არ მოხდეს კვოტის ათვისება თავდაცვის სამინსიტროს მხრიდან, ეს არის ზუსტი განსაზღვრება იმისა რა გადაწყვეტილებაც იქნა მიღებული. მინდა დავეთანხმო ბატონ პრემიერმინისტრს, რომ ასეთი გადაწყვეტილებები, მიუხედავად იმისა რამდენად სწორია, ვეთანხმები თუ არ ვეთანხმები, არ უნდა იქნას მიღებული ერთი თანამდებობის პირის მიერ, არამედ უდნა იქნას განხილული კოლეგიალურად როგორც მთავრობის სხდომაზე ასევე უშიშროების საბჭოში,“ - განაცხადა მარგველაშვილმა და დასძინა, რომ თავდაცვის მინისტრის დღევანდელი გადაწყვტილების შესახებ, საქმის კურსში არ იყო.
