ევროკომისიის დასკვნასთან დაკავშირებით, საქართველოს პარლამენტი განცხადებას მიიღებს თუ არა, ხვალ გახდება ცნობილი.
როგორც ბიუროს დღევანდელ სხდომაზე პარლამენტის თავმჯდომარემ, დავით უსუფაშვილმა განაცხადა, ვიქტორ დოლიძის მოთხოვნა ზეპარტიული თემაა.
სპიკერმა კანონმდებლებს შესთავაზა, რომ განცხადების ფორმასა და მიღების თაობაზე კონსულტაციები გაიმართოს.
„ამ ამოცანის შესრულებაში, საჭირო ვართ. თუკი უმრავლესობა-უმცირესობა მზადაა, ხვალისთვის ჩამოვყალიბდეთ“, - დასძინა უსუფაშვილმა.
ვიქტორ დოლიძე წინადადებით გამოდის, რომ დასკვნასთან დაკავშირებით, რომელიც ევროკომისიამ 15 დეკემბერს უნდა დადოს, საქართველოს პარლამენტმა განცხადება მიიღოს, რომელიც საქართველოსთვის ვიზალიბერალიზაციის მიცემის საკითხს უკავშირდება.