,,უმრავლესობამ აუსრულა სურვილი ბიძინა ივანიშვილს, რომ დაიქვემდებარონ საბანკო სექტორი”, _განაცხადა ჟურნალისტებთან ,,ნაცმოძრაობის” აღმასრულებელმა მდივანმა სერგო რატიანმა პარლამენტის მიერ პრეზიდენტის ვეტოს დაძლევის შეფასებისას.
მისივე თქმით, ეროვნული ბანკის შესახებ არსებული კანონპროექტი ქვეყნის საფინანსო სისტემას დაანგრევს.
,,ფაქტია, რომ ეროვნული ბანკის შესახებ კანონპროექტი ანგრევს ქვეყნის საფინანსო სისტემას და ძალიან მძიმე მდგომარეობაში აგდებს ისედაც მძიმე მდგომარეობაში მყოფ ეკონომიკას”, _განაცხადა რატიანმა.
საპარლამენტო უმრავლესობამ პრეზიდენტის ვეტო ,,ეროვნული ბანკის შესახებ” კანონპროექტთან დაკავშირებით დაძლია. აღნიშნულ გადაწვეტილებას მხარი 81 დეპუტატმა დაუჭირა, მხარი 12 კანონმდებელი კი წინააღმდეგი წავიდა.
,,ეროვნული ბანკის შესახებ” კანონპროექტი ეროვნული ბანკიდან საზედამხედველო ფუნქციის გამოყოფას გულისხმობს. კონსტიტუციის თანახმად, პარლამენტის მიერ შემუშავებული კანონპროექტი ხელმოსაწერად კვლავ პრეზიდენტს გადაეგზავნება, იმ შემთხვევაში თიუ გიორგი მარგველაშვილი კანონპროექტს კვლავ ვეტოს დაადებს ამის შემდეგ კანონპროექტს კანონად პარლამენტის თავმჯდომარე დავით უსუფაშვილი გახდის და ხელს მოაწერს.
