,,სტატისტიკის დეპარტამენტის მიერ გამოქვეყნებული მაჩვენებლებით, 2015 წლის მეორე კვარტალში, 2014 წლის მეორე კვარტალთან შედარებით, 60 ათას 800 ახალი სამუშაო ადგილი შეიქმნა - ეს არის 12%-იანი ზრდა”, - განაცახადა ეკონომიკისა და მდგრადი განვითარების ახალმა მინისტრმა დიმიტრი ქუმსიშვილმა.
მისი თქმით, საერთო ჯამში, დასაქმებულთა რაოდენობა 568 ათასი ადამიანი შეადგინა.
,,ამასთან, საშუალო ზომის საწარმოებში ფიქსირდება დასაქმები 32%-იანი ზრდა და ეს არის 23 ათასი დასაქმებული. მცირე საწარმოებში, შარშანდელ ანალოგიურ პერიოდთან შედარებით, გვაქვს 16%-იანი ზრდა, რაც 18 ათას 600 დასაქმებულ ადამიანს მოიცავს", - განაცხადა მინისტრმა.
მისივე ინფორმაციით, ბიზნესსექტორში საშუალო თვიურმა ხელფასმა 2015 წლის მეორე კვარტალში 942 ლარი შეადგინა, რაც მისივე თქმით, წინა წლის ანალოგიურ პერიოდთან შედარებით 10%-იანი ზრდაა.
"მინდა აქვე აღვნიშნო ბიზნეს სექტორის ბრუნვა, რომელიც წინა წელთან შედარებით, 16%-ით არის გაზრდილი და მილიარდ 800 მილიონ ლარს შეადგენს, თუმცა ჯამურად ეს არის 12 მილიარდ 800 მილიონი ლარი. ასევე 22% - 1,3 მილიარდი ლარითაა გაზრდილი საწარმოთა მიერ გამომუშავებული პროდუქციის ღირებულება, ამ მიმართულებით მთლიანმა მაჩვენებემა მეორე კვარტალში 6,9 მილიარდი ლარი", - განმარტა ეკონომიკის მინისტრმა.
დიმიტრი ქუმსიშვილის შეფასებით, ეს არის დადებითი ტენდენცია, რომელიც აჩენს იმედს, რომ ძალიან მალე მიეცემათ დასაქმების საშუალება იმ ადამიანებს, ვისაც ეს სჭირდება.