საქართველოს ვიცე-პრემიერმა საგარეო საქმეთა მინისტრმა გიორგი კვირიკაშვილმა დადებითი შეფასება მისცა საზღვარგარეთ საქართველოს დიპლომატიური წარმომადგენლობების ხელმძღვანელებთან გამართულ შეხვედრას.
მინისტრმა აღნიშნა რომ არსებული გამოწვევების ფონზე პოლიტიკური დღის წესრიგი, ქვეყნის უსაფრთხოების უზრუნველყოფა და ამ მიმართულების განმტკიცება უმთავრესი პრიორიტეტია.
საგარეო უწყების ცნობით, სხდომაზე განხილული საკითხების კომენტირებისას მინისტრმა ყურადღება გაამახვილა ეკონომიკური საქმიანობის გაძლიერებასა და ქვეყნებთან ინვესტიციების წახალისებისა და ურთიერთდაცვის შესახებ შეთანხმებების დადების აუცილებლობაზე, რაც ქვეყანაში უცხოური ინვესტიციების შემოდინებას კიდევ უფრო გაზრდის.
