,,კვირიკაშვილის საგარეო საქმეთა მინისტრად დანიშვნა მიანიშნებს იმას, რომ საგარეო პოლიტიკური ამოცანები, უფრო საგარეო-ეკონომიკური გახდა ”, _ამის შესახებ, ,,ჯი-ეიჩ-ენთან” საუბარში პოლიტოლოგმა რამაზ საყვარელიძემ განაცხადა.
მისივე თქმით, სამთავრობო ცვლილებები მხოლოდ წინასაარჩევნო პერიოდით არ აიხსნება.
,,წინასაარჩევნო პერიოდს ხელისუფლებაში ცვლილებები სჩვევია, მაგრამ ამ შემთხვევაში განხორციელებული ცვლილებები მხოლოდ ამით არ აიხსნება. როგორც პრემიერმა განცხადა, აღნიშნული ცვლილებები საკითხებია მნიშვნელობის გაზრდამ გამოიწვია. ჩვენს ჰორიზონტზე ეკონომიკური თვალსაზრისით ძალიან აქტიურად გამოჩნდა აზია _ ჩინეთი, ინდოეთი და გამორიცხული არაა სწორედ ურთიერთობებში ხელისუფლებისთვის ისეთი ადამიანი გახდა საჭირო, რომელიც საქართველოს ეკონომიკაში კარგად ერკვევა”, _განაცხადა რამაზ საყვარელიძემ.
E
,,ქართული ოცნების“ სამთავრობო გუნდში პრემიერმა ირაკლი ღარიბაშვილმა მორიგი სამთავრობო ცვლილებები განახორციელა. როგორც ღარიბაშვილმა მთავრობის ადმინისტრაციაში გამართულ პრესკონფერენციაზე განაცხადა, საგარეო საქმეთა მინისტრის პოსტს უკვე ყოფილი ეკონომიკისა და მდგრადი განვითარების მინისტრი გიორგი კვირიკაშვილი დაიკავებს, ხოლო კვირიკაშვილს ყოფილი ვიცე-მერი დიმიტრი ქუმსიშვილი შეცვლის.