თავდაცვის მინისტრი სამხედრო ბაზებს მედიის წარმომადგენლებთან ერთად მოინახულებს და და ერთი კვირა მათთან ერთად იცხოვრებს.
თინა ხიდაშელმა სამხედრო ბაზებზე სტუმრობა ბათუმიდან დაიწყო, სადაც სპეციალური ოპერაციების ძალების საზღვაო სპეციალური დანიშნულების რაზმი მოინახულა.
მისი თქმით, რაც უფრო მეტი ინფორმაცია ექნება ქართულ საზოგადოებას იმ რეალობაზე, რომელიც არსებობს ჯარში, მით უფრო მარტივი იქნება ნებისმიერ ამოცანასთან გამკლავება.
,,ხშირად ვამბობთ ხოლმე, წიგნებში წაგვიკითხავს, კინოებში გვინახავს, რომ ომს არ იგებს მხოლოდ ჯარი და მას იგებს მთელი საზოგადოება. ეს არ არის უბრალო ფრაზა, რომელსაც ვამბობთ – თუ არ არის ეს ერთიანი შემადგენლობის ნაწილი, არაფერი არ გამოვა, ვერც ლოკალურ ამოცანებს გადავწყვეტთ, ვერც გლობალურ გამოწვევებს გავუმკლავდებით, ამიტომ სადაც დასაშვებია და რა დოზითაც შესაძლებელია, აბსოლუტურად ყველგან თქვენთვის ჟურნალისტებისთვის კარი იქნება ღია, იმიტომ, რომ ჩვენ არავის მოტყუებას არ ვაპირებთ. არავითარი ტაბუები ჩემი მინისტრობის პერიოდში არ იარსებებს", - განუცხადა ჟურნალისტებს მინისტრმა.
შემდეგი დღეების განმავლობაში, დაგეგმილია ჩასვლა სენაკის, ქუთაისის და საჩხერის ბაზებზეც, სადაც თავდაცვის მინისტრი მედიის წარმომადგენლებთან ერთად იცხოვრებს.