საქართველოს პრეზიდენტის ყოფილი მრჩევლის ვანო მაჭავარიანის შეფასებით, ჭორები „ნაციონალური მოძრაობის“ გარდაცვალების შესახებ გადაჭარბებულია. ამის შესახებ მან გადაცემა „არჩევანის“ ეთერში განაცხადა. ვანო მაჭავარიანის თქმით, „ნაცმოძრაობიდან“ წასული წევრები „ცდილობენ თავისი ადგილი დაიმკვიდრონ და ივაჭრონ შემდგომში ივანიშვილთან“.
„ეს პარტიები იქმნება, რომ ივაჭრონ. <...> მათ მიაჩნიათ, რომ აქვთ ადგილი პოლიტიკურ სივრცეში. ცოტა უხერხულია, რომ აღმასრულებელი მდივანი მიდის პარტიიდან გაუგებარ გარემოებებში“, - განაცხადა მაჭავარიანმა.
ამასთანავე საქართველოს პრეზიდენტის ყოფილმა მრჩეველმა აღნიშნა, რომ „თუ "ნაციონალურმა მოძრაობამ" დისტანცირება არ გააკეთა თავის წარსულთან, მცირე ჯგუფებით გადარბენები არაფერს არ ცვლის“.
„თუ "ნაციონალურმა მოძრაობამ" დისტანცირება არ გააკეთა თავის წარსულთან, თავის ლიდერ სააკაშვილთან და არ იპოვა ახალი ფორმა, ეს ოთხკაციანი მცირე ჯგუფებით გადარბენები არაფერს არ ცვლის საერთო ჯამში. უბრალოდ ისინი ცდილობენ თავისი ადგილი დაიმკვიდრონ და ივაჭრონ შემდგომში ივანიშვილთან, სააკაშვილთან, ოქრიაშვილთან, ღარიბაშვილთან თუ სხვებთან. სამწუხაროდ, ეს არის საპარლამენტო პოლიტიკის ჩვეულებრივი ნაწილი“, - აღნიშნა მაჭავარიანმა.