ამერიკული MasterCard -ის წმინდა მოგება, რომელიც მსოფლიოს საგადახდო სისტემებს შორის პირველ ადგილზეა, 17 %-ით გაიზარდა.
კომპანიის ინფორმაციით, 2015 წლის პირველ კვარტალში MasterCard-ის წმინდა მოგებამ 1,02 მლრდ დოლარი შეადგინა, ეს იმ ფონზე, როდესაც გასული წლის ანალოგიურ პერიოდში აღნიშნული მაჩვენებელი 870 მლნ დოლარს აღწევდა.
საანგარიშო პერიოდში კომპანიის შემოსავლები 2,7 %-ით გაიზარდა და 2,23 მლრდ დოლარი შეადგინა.
მსოფლიოს მასშტაბით, იანვარ-მარტში MasterCard-ის ბრუნვა 12 %-ით გაიზარდა და 11 მლრდ დოლარი შეადგინა.
იმავდროულად, ბოლო კვირაში ნიუ-იორკის ბირჟაზე MasterCard-ის აქციები 2%-ით გაძვირდა.
ასევე წლის დასაწყისიდან დღემდე, კომპანიის კაპიტალიზაცია 4,7 %-ით გაიზარდა, ხოლო MasterCard-ის უშუალო კონკურენტის Visa Inc-ის აქციები კი 1,9%-ით გაძვირდა.