საქართველოში წარმოებული თხილის 52 %-ი სამეგრელო-ზემო სვანეთის რეგიონზე მოდის. პრემიერ-მინისტრთან არსებული ეკონომიკური საბჭოს მიერ მომზადებულ სამეგრელო-ზემო სვანეთის ეკონომიკური პოტენციალის კვლევაშია აღნიშნული, 2013 წელს რეგიონში 20,5 ათასი ტონა თხილის წარმოება მოხდა, რაც მთლიანი წარმოების 51,6 %-ია. ეს იმ ფონზე, როდესაც 2013 წელს ქვეყნის მთლიან მოხმარებამ მხოლოდ 9,86 ათასი ტონა შეადგინა. სტატისტიკური მონაცემები ცხადყოფს, რომ მხოლოდ სამეგრელოში წარმოებული თხილის 50 %-ს შეუძლია ქვეყნის შიდა ბაზრის დაკმაყოფილება.
ცხადია, ფერმერები ამ სეგმენტის განვითარებას პერსპექტიულად მიიჩნევენ, რადგანაც თხილი საქართველოს საექსპორტო ჩამონათვალში ლიდერ პოზიციაზეა და მსოფლიოში მასზე მოთხოვნაც მზარდია.
