საერთაშორისო რესპუბლიკური ინსტიტუტის (IRI-ის), კვლევის შედეგების გამოქვეყნება გადაიდო. როგორც ,,ჯი-ეიჩ-ენს” ორგანიზაციიდან აცნობეს ამის მიზეზი ვაშინგტონის ოფისში წარმოქმნილი ტექნიკური პროლემა გახდა.
ორგანიზაციის ინფორმაციით, კლევის შედეგები მომავალი კვირის დასაწყისისთვის გასაჯაროვდება.
შეგახსენებთ, რომ საერთაშორისო რესპუბლიკური ინსტიტუტის (IRI-ის), კვლევის შედეგები დღეს უნდა გამოქვენებულიყო, თუმცა არაოფიციალურად უკვე ცნობია რამდენიმე მონაცემი.
ამერიკის საერთაშორისო რესპუბლიკური ინსტიტუტის (IRI-ის) კვლევის შედეგების თანახმად, მოსახლეობის ნდობა სახელმწიფო ინსტიტუტების მიმართ შემცირებულია.
,,რუსთავი-2”_ის ინფორმაციით, პრეზიდენტის ინსტიტუტს გამოკითხულთა 51 პროცენტი ენდობა, რაც წინა მონაცემებთან შედარებით, 13 პროცენტით ნაკლებია.
ასევე 19 პროცენტითაა დაკლებული ნდობა პარლამენტის მიმართ.
საკანონმდებლო ორგანოს მსგავსად, ნდობა შემცირებულია მთავარი პროკურატურის მიმართაც.
თუ წინა კვლევებში საგამოძიებო უწყებას მოსახლეობის 50 პროცენტი ენდობოდა, ახალ მონაცემებში მას საზოგადოების 36 პროცენტი ენდობა.
მოქალაქეების ნდობა პოლიციის მიმართ 82-დან 65 პროცენტამდეა შემცირებული.
IRI-ის კვლევებით, სახელმწიფო ინსტიტუტებიდან საზოგადოების ყველაზე დიდი ნდობა - 87% ჯარს აქვს.
ასევე გამოკითხულთა 55%-ის აზრით, ქვეყანა არასწორი მიმართულებით მიდის.
ამასთან ,,რუსთავი-2”-ის ცნობით, მოსახლეობის 79 პროცენტი მხარს უჭერს ქვეყნის ნატოში გაწევრიანებას, ევროკავშირის წევრობას კი 85. საერთაშორისო რესპუბლიკური ინსტიტუტის (IRI-ის) კვლევის შედეგების თანახმად პოლიტიკური ლიდერებიდან გიორგი მარგველაშვილი და დავით სერგეენკო ლიდერობენ მათ 62 პროცენტი აქვთ.
ირაკლი ალასანიას და დავით უსუფაშვილს 57 პროცენტი აქვთ, პრემიერ-მინისტრს 56 პროცენტი.
,,რუსთვაი-2”-ის ინფორმაციით, თბილისი მერის დავით ნარმანიას მუშაობის შეფასებისას კი გამოკითხულთა 66 პროცენტს კითხვაზე პასუხის გაცემა გაუჭირდა, 23 პროცენტი მერის საქმიანობას უარყოფითად აფასებს.
მისი მუშაობით გამოკითხულთა მხოლოდ სამი პროცენტია კმაყოფილი.
