"ქრისტიან-დემოკრატების" საკრებულოს თავმჯდომარის კანდიდატის ინგა გრიგოლიას შეფასებით, რუსეთის მხრიდან საფრთხე დღესაც ისევე მოსალოდნელია, როგორც ეს 21 წლის წინ იყო.
ამის შესახებ გრიგოლიამ დღეს 9 აპრილის მემორიალთან განაცხადა, სადაც მან "ქრისტიან-დემოკრატების" ლიდერებთან ერთად 9 აპრილის ტრაგედიის დროს გარდაცვლილების ხსოვნას პატივი მიაგო.
"დღევანდელ დღეს ნაკლები უნდა ვისაუბროთ და პატივი მივაგოთ იმ ადამიანებს, რომლებმაც ქვეყნის დამოუკიდებლობას თავი შეეწირეს, იმიტომ რომ ეს პრობლემა ჩვენი ქვეყნის წინაშე ისევე დგას, როგორც არასდროს", - აღნიშნა გრიგოლიამ.
ამასთან ფრაქციის ლიდერის გიორგი თარგამაძის შეფასებით, 9 აპრილი ეროვნული იდეოლოგიის ფაზის დასაწყისის პირველი ეტაპის დასასრული იყო, რომელიც ბოროტზე კეთილის გამარჯვებით დამთავრდა.