"ალიანსი საქართველოსთვის" ერთ-ერთი ლიდერის დავით გამყრელიძის შეფასებით, "ალიანსი" დაშლისათვის არ არის განწირული, ის ფუნდამენტურ ღირებულებებზე დამყარებული ერთობაა.
ამის შესახებ გამყრელიძემ დღეს 9 აპრილის მემორიალთან განაცხადა, სადაც მან "ალიანსის" ლიდერებთან ერთად 9 აპრილს დაღუპულთა ხსოვნას პატივი მიაგო.
გამყრელიძის შეფასებით, ხალხმა ხელისუფლების ძლიერ ალტერნატივას უნდა დაუჭიროს მხარი და ეს "ალიანსი საქართველოსთვისაა".
"დღეს ჩვენი ამოცანაა, რომ საზოგადოების ნიჰილისტური განწყობა დავძლიოთ. მოსახლეობაში არ უნდა იყოს განწყობა, რომ მაინც არაფერი შეიცვლება. რეალურად უნდა დავანახოთ ხალხს, რომ გამარჯვება შესაძლებელია", - განაცხადა გამყრელიძემ.
