ლიბერთი ბანკი Sმარტივის მომხმარებლებს სიახლეს სთავაზობს

საქართველო, თბილისი - 2012-03-07 12:27:00
ლიბერთი ბანკი Sმარტივის მომხმარებლებს სიახლეს სთავაზობს. Sმარტივი ლიბერთი ბანკის ერთერთი საინტერესო და ნოვატორული პროდუქტია. 2010 წლიდან Sმარტივს 185 000 მომხმარებელი ყავს და მათი რიცხვი აქტიურად იზრდება. დღეიდან ლიბერთი ბანკი თავის მომხმარებელს საშუალებას აძლევს შეასრულოს Sმარტივთან დაკავშირებული ყველა ძირითადი ოპერაცია მობილურის საშუალებით.

Sმარტივის მობილური აპლიკაცია არის Sმარტივი ანგარიშის და მასთან დაკავშირებული სერვისების მართვის კომპაქტური პროგრამა, რომელიც მუშაობს მობილური ტელეფონიდან და საშუალებას გაძლევთ გადაიხადოთ 75-ზე მეტი პროვაიდერის გადასახადი

აპლიკაციის გამოსაყენებლად აუცილებელია მობილური ტელეფონი ჩართული იყოს უსადენო (wireless) ან ფიჭური კავშირგაბმულობის ნებისმიერი ოპერატორის ინტერნეტში.
Sმარტივის მობილური აპლიკაცია გაძლევთ საშუალებას:
• დაარეზერვოთ Sმარტივი თქვენთვის სასურველი ნიკით
• შექმნათ და პროვაიდერებით დააკომპლექტოთ Sმარტივი კალათა
• შეასრულოთ გადახდა როგორც Sმარტივი კალათის მეშვეობით, ასევე მის გარეშე
• დაიმატოთ მეგობრები, გადაუგზავნოთ და მიიღოთ მათგან თანხა
• გაუგზავნოთ და მიიღოთ შეტყობინება მეგობრისგან
• დაათვალიეროთ თქვენი გადახდებისა და გადარიცხვების ისტორია
Sმარტივის მობილური აპლიკაციით სარგებლობა შესაძლებელია მობილური ტელეფონებით, რომლებიც მუშაობენ Android-ის ოპერაციულ სისტემაზე. უახლოეს მომავალში შესაძლებელი გახდება აღნიშნული აპლიკაციით სარგებლობა ნებისმიერი მოდელის მობილური ტელეფონით.