თბილისში, ნაძალადევის რაიონში, საცხოვრებელ სახლში ხანძრის ჩაქრობას ამ დრომდე ცდილობენ
საქართველო, თბილისი - 2024-10-08 19:29:00
თბილისში, ნაძალადევის რაიონში ხანძარია. ცეცხლი საცხოვრებელ ბინაში გაჩნდა.
როგორც საგანგებო სიტუაციების მართვის სამსახურში მედიას განუცხადეს, ადგილზე მობილიზებულია სახანძრო-სამაშველო ბრიგადები და ხანძრის ქრობის პროცესი მიმდინარეობს.
ცეცხლი, სავარაუდოდ, გვერდით მდებარე ბინასაც მოედო. ადგილზე ამ დრომდე ათობით მეხანძრე-მაშველი მუშაობს.
გავრცელებული ცნობით, ცეცხლის გაჩენის მომენტში სახლში რამდენიმე ადამიანი იმყოფებოდა, თუმცა მათი გამოყვანა დროულად მოხერხდა.
საგანგებო სიტუაციების მართვის სამსახურში აცხადებენ, რომ ამ დროისთვის დაშავებულთა შესახებ ინფორმაცია მათთან არ შესულა.