ვლადიმირ პუტინი და მისი რეჟიმი პასუხს აგებენ ალექსეი ნავალნის სიკვდილის გამო - ჯოზეფ ბორელი
საქართველო, თბილისი - 2024-02-19 19:08:00
ვლადიმირ პუტინი და მისი რეჟიმი პასუხს აგებენ ალექსეის სიკვდილის გამო, - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა სოციალურ ქსელ X-ში ალექსეი ნავალნის ცოლთან, იულია ნავალნაიასთან შეხვედრის შემდეგ დაწერა.
იულია ნავალნაია ბრიუსელში ევროკავშირის საგარეო საქმეთა მინისტრების შეხვედრას დაესწრო.
„ჩვენ გამოვუცხადეთ ევროკავშირის ღრმა მწუხარება იულია ნავალნაიას.
ვლადიმირ პუტინი და მისი რეჟიმი პასუხს აგებენ ალექსეის სიკვდილის გამო.
როგორც იულიამ თქვა, პუტინი რუსეთი არ არის. რუსეთი არ არის პუტინი.
ჩვენ გავაგრძელებთ მხარდაჭერას რუსეთის სამოქალაქო საზოგადოებისა და დამოუკიდებელი მედიის მიმართ“, - განაცხადა ბორელმა.
We expressed the EU’s deepest condolences to Yulia Navalnaya
— Josep Borrell Fontelles (@JosepBorrellF) February 19, 2024
Vladimir Putin & his regime will be held accountable for the death of Alexei @navalny
As Yulia said, Putin is not Russia. Russia is not Putin
We will continue our support to Russia’s civil society & independent media pic.twitter.com/LbXNerR9nI