რუსეთი პასუხს აგებს ომის დანაშაულებისთვის - ბორელი
საქართველო, თბილისი - 2024-01-03 11:08:00
ევროკავშირის უმაღლესი წარმომადგენელი უსაფრთხოებისა და საგარეო პოლიტიკის საკითხებში ჟოზეპ ბორელი გამოეხმაურა რუსეთის მასირებული თავდასხმას კიევსა და ხარკოვზე.
ბორელის განცხადებით, რუსეთი პასუხს აგებს ომის დანაშაულებისთვის.
"რუსეთმა ახალი წელი დაიწყო მასირებული სარაკეტო იერიშებით კიევზე, ხარკოვსა და სხვა დასახლებულ პუნქტებზე, რომელიც მიზნად ისახავდა მშვიდობიანი მოსახლეობის, საცხოვრებელი უბენისა და სასიცოცხლო ინფრასტრუქტურის განადგურებას", - თქვა ბორელმა.
"რუსეთი პასუხს აგებს ომის დანაშაულებისთვის. ჩვენ უკრაინის გვერდით ვდგავართ", - დასძინა მან.
Russia started the new year by shooting over a hundred of missiles and drones at Kyiv, Kharkiv and other cities, targeting civilians, destroying residential neighbourhoods and life-supporting infrastructure.
— Josep Borrell Fontelles (@JosepBorrellF) January 2, 2024
Russia will be held to account for its war crimes
We #StandWithUkraine
2 იანვარს, დილით, რუსეთმა უკრაინაზე მასიური სარაკეტო შეტევა განახორციელა. უკრაინის შეიარაღებული ძალების მთავარსარდალმა ვალერი ზალუჟნიმ განაცხადა, რომ რუსებმა სხვადასხვა ტიპის 99 რაკეტა გაუშვეს, რომელთაგან 72 განადგურდა.