შოკირებული ვარ ალ-შიფას ჰოსპიტალში სამხედრო რეიდების გამო, საავადმყოფო არ არის ბრძოლის ველი - გაეროს გენერალური მდივნის მოადგილე
საქართველო, თბილისი - 2023-11-15 14:41:00
„შოკირებული ვარ ღაზაში მდებარე ალ-შიფას ჰოსპიტალში სამხედრო რეიდების გამო“ - ამის შესახებ სოციალურ მედია X-ზე (Twitter) გაეროს გენერალური მდივნის მოადგილე ჰუმანიტარულ საკითხებში მარტინ გრიფიტსი წერს.
„ახალშობილების, პაციენტების, სამედიცინო პერსონალის და ყველა მშვიდობიანი მოქალაქის დაცვა ყველაფერზე უპირატესი უნდა იყოს. საავადმყოფოები არ არის ბრძოლის ველი“, - ხაზგასმით აღნიშნა გრიფიტსმა.
ალ-შიფას საავადმყოფოში ისრაელელი სამხედროები შევიდნენ. მათი განცხადებით, საავადმყოფოს ტერიტორიაზე იარაღი აღმოაჩინეს. ისრაელის თავდაცვის ძალების განცახდებით, ის, რომ ალ-შიფას ჰოსპიტალში იარაღია აღმოჩენილი მიუთითებს საავადმყოფოში ტერორისტული ჯგუფის ყოფნაზე.
ისრაელი და ამერიკის შეერთებული შტატები აცხადებენ, რომ ღაზის სექტორის უდიდეს - ალ-შიფას საავადმყოფოს ქვეშ “ჰამასის“ მიწისქვეშა სამეთაურო პუნქტი მდებარეობს.
თეთრი სახლი და პენტაგონი ამბობენ, რომ "ჰამასი" იყენებს ღაზის უდიდეს საავადმყოფოს იარაღის შესანახად და ოპერაციების მხარდასაჭერად, რასაც „ჰამასი“ უარყოფს.
I'm appalled by reports of military raids in Al Shifa hospital in #Gaza.
— Martin Griffiths (@UNReliefChief) November 15, 2023
The protection of newborns, patients, medical staff and all civilians must override all other concerns.
Hospitals are not battlegrounds.