ახმეტაში ავტოავარიის შედეგად სამი ადამიანი დაშავდა
საქართველო, თბილისი - 2023-01-26 12:36:00
ახმეტაში ავტოავარიის შედეგად სამი ადამიანი დაშავდა, მათგან ორნი, ძმები არიან. ერთ-ერთი დაშავებულის მდგომარეობა მძიმეა და ის კატასტროფის ჯგუფმა თბილისში გადაიყვანა.
ავტოსაგზაო შემთხვევა, ალვანი- ბაბანეურის საავტომობილო გზაზე მოხდა. ურთიერთსაწინააღმდეგო მიმართულებით მოძრავი მსუბუქი ავტომობილები ერთმანეთს შეეჯახნენ.
ორი დაშავებული მკურნალობას თელავის რეფერალურ საავადმყოფოში განაგრძობს.
გამოძიება სისხლის სამართლის კოდექსის 276-ე მუხლით დაიწყო.