მზად ვართ უკეთ გავუმკლავდეთ მომდევნო პანდემიას, რომელიც აუცილებლად იქნება - ბაიდენი
საქართველო, თბილისი - 2022-12-15 10:22:00
აშშ-ის პრეზიდენტის, ჯო ბაიდენის განცხადებით, მსოფლიოს კიდევ ერთი გლობალური პანდემია ელოდება. ამის შესახებ ამერიკის შეერთებული შტატების პრეზიდენტმა, აშშ-აფრიკის ბიზნეს ფორუმზე, სიტყვით გამოსვლისას განაცხადა.
"უკეთ ვართ მომზადებული რომ ჯანმრთელობის გამოწვევებს გავუმკლავდეთ, მათ შორის, მომდევნო პანდემიას, რომელიც აუცილებლად იქნება.
ვმუშაობთ COVID -19-ის დასასრულებლად, ამასთან, ვაგრძელებთ უფრო ძლიერი ჯანდაცვის სისტემების და ინსტიტუტების მშენებლობას და ვაჩქარებთ ძალისხმევას საყოველთაო ჯანდაცვის მისაღწევად", - აღნიშნა ბაიდენმა.