კიდევ უფრო დაბლა ეშვება და კიდევ უფრო მეტად ტყუის - კრამონი კობახიძეზე
საქართველო, თბილისი - 2022-09-08 19:52:00
ევროპარლამენტარი ვიოლა ფონ კრამონი, ირაკლი კობახიძის განცხადებას ეხმაურება და სოციალურ ქსელში წერს, რომ კობახიძე სულ უფრო და უფრო მეტ ტყუილს ამბობს და დაბლა ეშვება.
"ღმერთო ჩემო, ყოველ ჯერზე, როცა ფიქრობ, რომ ის უფრო ქვემოთ არ დაეშვება, კიდევ უფრო დაბლა ეშვება და კიდევ უფრო მეტად ტყუის. ძალიან სამწუხაროა ამის ყურება. საწყალი საქართველო. მისი ხალხი უკეთესს იმსახურებს, მაგრამ ჩვენ მაინც გვიყვარხართ და მხარს გიჭერთ - რაც არ უნდა დაბლა დაეშვან ისინი", - დაწერა კრამონმა ტვიტერზე.
OMG. Every time you think that it doesn’t go lower - he goes lower and finds even more lies. So sad to see that.
— Viola von Cramon 🇺🇦🇪🇺 (@ViolavonCramon) September 8, 2022
Poor 🇬🇪. Its people have deserved better than that.
But we love you anyway and support you - no matter how low they will go#SlavaUkraini https://t.co/eW09kiIl7e pic.twitter.com/mblEBevWKR
შეგახსენებთ, დღეს ირაკლი კობახიძემ განაცხადა, რომ "ვიოლა ფონ კრამონი არსად არის შესაშვები, არათუ გვარამიასთან ან სხვასთან".
7 სექტემბერს ვიოლა ფონ კრამონმა თქვა, რომ "მთავარი არხის" გენერალური დირექტორის, ნიკა გვარამიას მონახულების ნებართვის მისაღებად იუსტიციის სამინისტროს მიმართა, თუმცა უწყებისგან პასუხი არ მიუღია.