კონგრესი ამაყად დგას ქართველი ხალხის გვერდით და ჩვენი მხარდაჭერა რუსული აგრესიის პირისპირ მყოფი სუვერენიტეტის მიმართ ურყევია - ნენსი პელოსი
საქართველო, თბილისი - 2022-04-29 11:25:00
კონგრესი ამაყად დგას ქართველი ხალხის გვერდით და ჩვენი მხარდაჭერა რუსული აგრესიის პირისპირ მყოფი სუვერენიტეტის მიმართ ურყევი რჩება, – ამის შესახებ „ტვიტერში“ წერს აშშ-ის წარმომადგენელთა პალატის სპიკერი ნენსი პელოსი.
„დღეს მქონდა პრივილეგია, აშშ-ის კაპიტოლიუმში მიმეღო საქართველოს პრეზიდენტი, მისი აღმატებულება სალომე ზურაბიშვილი.
კონგრესი ამაყად დგას ქართველი ხალხის გვერდით და ჩვენი მხარდაჭერა რუსული აგრესიის პირისპირ მყოფი სუვერენიტეტის მიმართ ურყევი რჩება.
„საქართველოს მხარდამჭერი აქტის“ დამტკიცებით, წარმომადგენელთა პალატამ კიდევ კიდევ ერთხელ დაადასტურა, რომ ამერიკა რუსეთის მიერ სამხრეთ ოსეთისა და აფხაზეთის უკანონო ოკუპაციის წინააღმდეგია.
ეს ორპარტიული კანონმდებლობა უფლებას იძლევა, დაწესდეს სანქციები იმ პირთა მიმართ, რომლებიც რუსეთის მიერ ქართველი ხალხის წინააღმდეგ ადამიანის უფლებების დარღვევის ფაქტებში მონაწილეობენ“, – აღნიშნულია ნენსი პელოსის განცხადებაში.
Today, I had the official privilege of welcoming Her Excellency Salome Zourabichvili, President of Georgia, to the U.S. Capitol.
— Nancy Pelosi (@SpeakerPelosi) April 28, 2022
Congress proudly stands with the people of Georgia, and we remain unwavering in support of their sovereignty in the face of Russian aggression. pic.twitter.com/UFfDJWVGCG