ჩეხეთმა უკრაინაში Т-72 ტანკები და ქვეითთა საბრძოლო მანქანები გაგზავნა
საქართველო, თბილისი - 2022-04-05 22:05:00
ჩეხეთმა უკრაინაში რამდენიმე ათეული Т-72 ტანკი და ქვეითთა საბრძოლო მანქანა გაგზავნა. ამის შესახებ ინფორმაციას გამოცემა Echo24 ავრცელებს.
ჩეხეთმა უკრაინას უსასყიდლოდ გადასცა არამოდერნიზებული საბჭოთა პერიოდის Т-72 ტანკები, რომელიც რეზერვში ჰქონდა. უკრაინაში გაიგზავნა ჩეხოსლოვაკიის წარმოების ქვეითთა საბრძოლო მანქანებიც (ბმპ-1).
ჩეხეთის პარლამენტის ქვედა პალატის ევროპის საკითხების კომიტეტის ხელმძღვანელმა, დეპუტატმა ონდრჟეი ბენეშიმ Twitter-ზე დაწერა, რომ ეს დახმარება ის არის, რაც უკრაინის არმიას სჭირდება. მისივე თქმით, ჩეხეთი უკრაინას სამხედრო დახმარებას მომავალშიც გაუწევს.
Česko dodalo Ukrajině bojová vozidla pěchoty a tanky T-72. Na sociálních sítích to potvrdil lidovecký poslanec Ondřej Benešík. Jde o dar české armády, na kterém se dohodli spojenci v rámci NATO. pic.twitter.com/LegfbZDDxb
— ČT24 (@CT24zive) April 5, 2022
ჩეხეთის თავდაცვის მინისტრმა იანა ჩერნოხოვამ ტანკების გაგზავნის ფაქტი ირიბად დაადასტურა, მაგრამ დეტალების გარეშე.
"დამიჯერეთ, ჩვენ უკრაინელ მეგობრებს ვუგზავნით საჭირო სამხედრო აღჭურვილობას. და ჩვენ გავაგრძელებთ ამას", - დაწერა მან ტვიტერზე. "მესმის უბრალო ადამიანური ცნობისმოყვარეობა, მაგრამ მეტს ვერ გეტყვით."
Zvídavost je lidská a chápu ty, kdo chtějí zjistit, co na UA dodáváme. Promiňte, nemohu vám k tomu říct víc. Zuří tam válka a nebudeme vrahům s písmenem Z nic usnadňovat!Věřte mi, že posíláme ukrajinským přátelům zásadní vojenský materiál. A budeme v tom pokračovat. #SlavaUkraini
— Jana Černochová (@jana_cernochova) April 5, 2022