საქართველოს სრული მხარდაჭერის იმედი გვაქვს - კულება ახალი საგარეო საქმეთა მინისტრის დანიშვნას ეხმიანება
საქართველო, თბილისი - 2022-04-05 12:16:00
უკრაინის საგარეო საქმეთა მინისტრი დმიტრო კულება საქართველოს საგარეო საქმეთა მინისტრად ილია დარჩიაშვილის დანიშვნას ეხმიანება.
სოციალურ ქსელში გამოქვეყნებულ განცხადებაში, კულება წერს, რომ მოუთმენლად ელის ქართველ კოლეგასთან მუშაობას საქართველოსა და უკრაინას შორის სტრატეგიული პარტნიორობის მეტად გასაძლიერებლად.
"მოუთმენლად ველით საქართველოს ახალდანიშნულ საგარეო საქმეთა მინისტრთან, ილია დარჩიაშვილთან მუშაობას საქართველოსა და უკრაინას შორის სტრატეგიული პარტნიორობის მეტად გასაძლიერებლად. რუსეთის აგრესიის წინააღმდეგ ბრძოლაში საქართველოს სრული მხარდაჭერის იმედი გვაქვს", - წერს დმიტრო კულება.
Looking forward to working together with Ilia Darchiashvili, the newly appointed Minister of Foreign Affairs of Georgia, to further strengthen the strategic partnership between Ukraine and Georgia. Counting on Georgia’s full support in countering Russian aggression @iliadarch
— Dmytro Kuleba (@DmytroKuleba) April 4, 2022
საქართველოს მთავრობის ადმინისტრაციის უფროსი ილია დარჩიაშვილი საგარეო საქმეთა მინისტრად 4 აპრილს დაინიშნა.