უკრაინაში საკუთარი სახლების დატოვება 10 მილიონ ადამიანს მოუწია - გაერო
საქართველო, თბილისი - 2022-03-20 19:49:00
ლტოლვილთა საკითხებში გაეროს უმაღლესი კომისრის ფილიპო გრანდის განცხადებით, უკრაინაში დამანგრეველი ომის გამო, საკუთარი სახლების დატოვება 10 მილიონ ადამიანს მოუხდა.
"ომი უკრაინაში იმდენად დამაგრეველია, რომ 10 მილიონი ადამიანი იძულებული გახდა საკუთარი სახლები დაეტოვებინა", - წერს გრანდის სოციალურ ქსელში.
ფილიპო გრანდის თქმით, ამ რაოდენობაში მოიაზრება როგორც ქვეყნის ტერიტორიაზე იძულებით გადაადგილებული პირები, ასევე უკრაინის ფარგლებს გარეთ ლტოლვილნი.
Among the responsibilities of those who wage war, everywhere in the world, is the suffering inflicted on civilians who are forced to flee their homes.
— Filippo Grandi (@FilippoGrandi) March 20, 2022
The war in Ukraine is so devastating that 10 million have fled — either displaced inside the country, or as refugees abroad.
გაეროს ლტოლვილთა უმაღლესი კომისარიატის საინფორმაციო პორტალის თანახმად, 19 მარტის მდგომარეობით, უკრაინიდან ლტოლვილთა რაოდენობამ 3.5 მილიონს გადააჭარბა, მათგან ყველაზე მეტმა (2 052 392) პოლონეთს შეაფარა თავი.