რუსმა სამხედროებმა უკრაინის კიდევ ერთი ქალაქის მერი და მისი მოადგილე გაიტაცეს
საქართველო, თბილისი - 2022-03-16 15:34:00
უკრაინის საგარეო საქმეთა მინისტრის, დმიტრო კულებას განცხადებით, რუსმა სამხედროებმა უკრაინის კიდევ ერთ ქალაქის მერი და მისი მოადგილე გაიტაცეს.
კულებას თქმით, გატაცებულია ხერსონის ოლქის საპორტო ქალაქ სკადოვსკის მერი ოლექსანდრ იაკოვლევი და მისი მოადგილე იური პალიუხი.
სავარაუდოდ, მერი და მისი მოადგილე დღეს გაიტაცეს. კულება მოუწოდებს საერთაშორისოს საზოგადოებას, რუსეთს გატაცებულების დაუყოვნებლივ გათავისუფლება მოსთხოვოს.
Russian invaders continue to abduct democratically elected local leaders in Ukraine. Mayor of Skadovsk Oleksandr Yakovlyev and his deputy Yurii Palyukh abducted today. States & international organizations must demand Russia to immediately release all abducted Ukrainian officials! pic.twitter.com/bmaAuurx9h
— Dmytro Kuleba (@DmytroKuleba) March 16, 2022
რუსეთი აცხადებს, რომ ხერსონის ოლქს მთლიანად აკონტროლებს.
მანამდე, რუსეთის საოკუპაციო ძალებმა გაიტაცეს უკრაინის სამხრეთით მდებარე ქალაქ დნიპრორუდნის მერი ევჰენი მატვიევი და მელიტოპოლის მერი ივან ფედოროვი.