უკრაინიდან ლტოლვილთა რაოდენობამ 2.5 მილიონს მიაღწია - გაერო
საქართველო, თბილისი - 2022-03-11 13:46:00
ბოლო 16 დღეში უკრაინა 2.5 მილიონმა ადამიანმა დატოვა და რუსეთის აგრესიისგან თავის დასაღწევად მეზობელ ქვეყნებს თავი შეაფარა. ამის შესახებ გაეროს ლტოლვილთა უმაღლესმა კომისარმა ფილიპო გრანდიმ განაცხადა.
"უკრაინიდან ლტოლვილთა რიცხვმა - ტრაგიკულად - დღეს 2.5 მილიონს მიაღწია. ჩვენ ასევე ვარაუდობთ, რომ დაახლოებით ორი მილიონი ადამიანი იძულებით გადაადგილებულია უკრაინის შიგნით. მილიონობით იძულებული გახდა დაეტოვებინა სახლები ამ უაზრო ომის გამო", - წერს გრანადი.
The number of refugees from Ukraine — tragically — has reached today 2.5 million.
— Filippo Grandi (@FilippoGrandi) March 11, 2022
We also estimate that about two million people are displaced inside Ukraine.
Millions forced to leave their homes by this senseless war.
გაეროს ლტოლვილთა უმაღლესი კომისარიატის საინფორმაციო პორტალის თანახმად, 11 მარტის მდგომარეობით, 1 524 903-მა ლტოლვილმა პოლონეთს შეაფარა თავი. მათგან 300 000-მა პოლონეთის დედაქალაქ ვარშავას.
ვარშავის ოფიციალური პირები სხვა ქვეყნებს მოუწოდებენ მეტი გააკეთონ უკრაინელების დასახმარებლად.