ევროპის პარლამენტი ახალ პრეზიდენტს ირჩევს
საქართველო, თბილისი - 2022-01-18 14:23:00
ევროპის პარლამენტი ახალ პრეზიდენტს ირჩევს. ევროკავშირის საკანონმდებლო ინსტიტუტის პრეზიდენტის თანამდებობა მას შემდეგ გახდა ვაკანტური, რაც დევიდ სასოლი გარდაიცვალა.
ახალი პრეზიდენტის ასარჩევად, კენჭისყრა სტრასბურგში, პარლამენტის პლენარულ სესიაზე გაიმართება.
ევროპარლამენტის პრეზიდენტობის კანდიდატებს პარლამენტი პოლიტიკური ჯგუფები ან ევროპარლამენტართა ჯგუფი წარადგენენ.
პრეზიდენტად არჩეულად ითვლება კანდიდატი, რომელიც ხმების უბრალო უმრავლესობას, წევრთა შემადგენლობის 50% პლუს 1 ხმა, მოიპოვებს. კენჭყისყრა ფარულია.
თუ პირველ ტურში ვერ გამოვლინდება გამარჯვებული, მეორე ან მესამე ტურში მონაწილეობას მიიღებენ იგივე ან სხვა კანდიდატები, იგივე პირობებით. თუ მესამე ტურშიც ვერ აირჩევენ პრეზიდენტს, მაშინ ამ ტურში ყველაზე მეტი ხმის მქონე ორი კანდიდატი გადავა მეოთხე და საბოლოო კენჭისყრაზე.
ევროპარლამენტის პრეზიდენტის ფუნქციები მეტწილად სიმბოლური და ცერემონიულია. ოფიციალური ვებგვერდის თანახმად, ევროპის პარლამენტის პრეზიდენტი წარმოადგენს ამ ინსტიტუტს საერთაშორისო ფორმატებსა და ევროკავშირის სხვა ორგანოებთან ურთიერთობისას.
პრეზიდენტი ასევე უძღვება პარლამენტის პლენარულ სესიებს ბრიუსელსა და სტრასბურგში. იგი ასევე ზედამხედველობს პარლამენტისა და მისი ორგანოების მუშაობას და უზრუნველყოფს რეგლამენტის დაცვას.
ისევე როგორ ევროპული საბჭოს პრეზიდენტი, ევროპარლამენტის პრეზიდენტი ხელს აწერს ყველა კანონს, რომელიც მიღებულია ჩვეულებრივი საკანონმდებლო პროცედურით.
ვინ არიან პრეზიდენტობის კანდიდატები
ევროპარლამენტის პრეზიდენტობას სხვადასხვა პოლიტიკური ჯგუფის ოთხი კანდიდატი ესწრაფვის.
არჩევნებში ფავორიტად ითვლება 42 წლის რობერტა მეცოლა, რომელიც დევიდ სასოლის პრეზიდენტობისას პირველი ვიცე-პრეზიდენტის პოსტი ეკავა. ის არის მემარჯვენე-ცენტრისტული ევროპის სახალხო პარტიის ოფიციალური კანდიდატი.
I want people to believe in Europe. To re-capture that sense of hope & enthusiasm in our project. To stand up for those values that unite us as Europeans.
— Roberta Metsola MEP (@RobertaMetsola) January 15, 2022
That's why I am standing to be the next President of our European Parliament.#Metsola4EU #Believepic.twitter.com/WaKkzX3P77
მწვანეების კანდიდატია 50 წლის შვედი პოლიტიკოსი, ალისა ბახ კუჰნკე.
The European Parliament must lead by example:
— Greens/EFA in the EU Parliament 🌍 (@GreensEFA) January 13, 2022
It must fight for climate action, protect democracy and promote diversity!
This is why the Greens/EFA Group put forward Alice Bah Kuhnke as a candidate for the @Europarl_EN's elections next week.
Get to know her ⤵️ pic.twitter.com/AdqVgp9xQ8
კიდევ ერთი კანდიდატია ესპანელი ევროპარლამენტარი სირა რეგო, რომელიც წარმოადგენს მემარცხენეთა ჯგუფს.
Asumo con alegría y responsabilidad la candidatura de @Left_EU a la presidencia del Parlamento Europeo en un momento en el que necesitamos audacia política para afrontar dos de los grandes retos actuales: la crisis ecosocial y la guerra de la extrema derecha contra los DDHH. pic.twitter.com/xgmQwNZDaj
— Sira Rego🔻 (@sirarego) December 8, 2021
პრეზიდენტობისთვის იბრძოლებს, ასევე პოლონელი ევროპარლამენტარი კოსმა ზლოტოვსკი, ევროპელი კონსერვატორებისა და რეფორმისტების (ECR) ჯგუფიდან, ერთადერთი მამაკაცი, რომელიც სამ ქალს დაუპირისპირდება.
Trust makes politics work. Building it together with our citizens is essential.
— ECR Group (@ecrgroup) January 16, 2022
We need to restore the equilibrium between the European and national levels, listening to those closest to home.
Kosma for #RealChangeEU.#EPresident @KosmaZlotowski pic.twitter.com/uDEWmDq0mc
ახალი პრეზიდენტის ვინაობა სავარაუდოდ დღეს გახდება ცნობილი.