წყნარ ოკეანეში გიგანტური წყალქვეშა ვულკანი ამოიფრქვა
საქართველო, თბილისი - 2022-01-15 20:43:00
წყნარ ოკეანეში, კუნძულოვან სახელმწიფო ტონგის სამეფოს სიახლოვეს, გიგანტური წყალქვეშა ვულკანი ამოიფრქვა.
ვულკანის ამოფრქვევის შედეგად გამოწვეული ცუნამი კუნძულოვან სახელმწიფო ტონგას დაატყდა თავს.
კუნძულზე მცხოვრები მოქალაქეების თქმით, ვულკანის ამოფრქვევა იმდენად ძლიერი იყო, რომ მიწა დიდხანს ირყეოდა და გამაყრუებელი ხმა გაისმოდა.
თვითმხილველების თქმით, ვულკანურმა ფერფლმა ტონგის სამეფოს დედაქალაქმდე მიაღწია, რომელიც ვულკანიდან 65 კილომეტრში მდებარეობს.
Tonga's Hunga Tonga volcano just had one of the most violent volcano eruptions ever captured on satellite. pic.twitter.com/M2D2j52gNn
— US StormWatch (@US_Stormwatch) January 15, 2022
გავრცელებული ინფორმაციით, ამოფრქვევის შედეგად გამოწვეულმა ოკეანის ტალღებმა შთანთქეს დედაქალაქის სანაპირო ზოლი და მიმდებარე ქუჩები, განადგურდა საცხოვრებელი სახლები, რომელიც სანაპიროს გასწვრივ იდგა.
მოსალოდნელი საშიშროების ფონზე, სამეფო ოჯახის სასახლიდან ევაკუაცია მოახდინეს.
ცუნამის საფრთხის გამო, მოსახლეობა მოშორდა სანაპიროს და შემაღლებული ადგილებისკენ გადაინაცვლა.
ცუნამის საშიშროების შესახებ გაფრთხილება გაავრცელეს სამხრეთ წყნარი ოკეანის რეგიონის რამდენიმე ქვეყანამ, მათ შორის, ტონგამ, ფიჯის კუნძულებმა, ავსტრალიამ და ახალმა ზელანდიამ.
Huge volcanic eruption near Tonga. Reports of tsunami there and it's gone pitch black. Lots of lightning too. #tonga pic.twitter.com/Eia4fidPRc
— Rick Threlfall (@RickThrelfall) January 15, 2022